Di navbera êş û xewnê de

Pênûsa Azad hijmara hivdeh 17`ê

 Gewher Fetah - Duhok

Xewn çend reng in:

Xilûxavî,

gerim

bi êş,

bi tirs

Yeko, yeko awirên te didim hev

Tu, tu,

li xopanên sawîrên min cirîdê dikî,

bi ser min de hilma xwe dibarînî.

Ez di gewriya aşekî de, asê mame.

Girêkek im.

Xwîziya rengên gerim,

tabloya zarokê qijilî,

di nav kovanên min de siridîn.

Derya xwe li ber guneha Alan ranegirt.

Têr nebûne,

ji xwîna te,

ji derbederiya te,

ji kuştina te,

ji rondikên pîr û kalên te,

ji guhdarkirina sîmfoniyên giriyê dayîk û zarokên te.

Ez jî xilmaş im delalê min.

Li ber têhna te,

azarên peyvên te…

min lêvên xwe sor kirine.

Destên xwe li te dipelînim,

da ku janên xwe û te

têkel bikim,

winda bibim.

Ez meyeke kevnar im, loo

  

مارس 14, 2024