Meşa bi lez û giran
Pênûsa Azad hijmara
hivdeh 17`ê
Rojdiyar Hemê
Tucar bo xwe ne ke xem
Tu dil û can î qurban
Ez gula te me herdem
Şox û şengê çav û can,
Helbesta bi dilê te
Ya tu jê tim hez dike
Ketiye hembêza te
Bi lavlav gazî dike,
Guh ne de şermiya min
Meşa bilez û giran
Tu nabînî mîna min
Xoşewîstê du lêvan,
Tucar xew ne veşêre
Ne bêje te nabînim
Şev û rojên min jê re
Tu yî yê jê hez dikim,
Gavên te gul û şekir
Serxweş bûme delalo
Sipas bo tiştê te kir
Ez ya te me yarxorto,
Ne poşman û ne xemgîn
Naskirina te qurban
Tu hem jîn î û evîn
Roniya her du çavan..
ليست هناك تعليقات: