15ê gulanê û Roja Zimanê Kurdî
Di roja 15ê Gulanê de, ango Roja Zimanê Kurdî li gorî biryarên
kongir û her wiha wek gerdîş, Yekîtiya Nivîskarên Kurdistana Sûriya evê rojê
pîroz dike û bi vê boneyê xelata xwe ya salane radestî nivîskarekî Kurd dike ku
bi zimanê kurdî dinivîse û di heman demê de ked û xebatek wî balkês di ber de
heye.
Îsal jî (2024) bi vê helkefta pîroz Y.N.K.S. û bi şevbuhêrkek
balkêş bi amadebûna nivîskar, rewşenbîr, siystemedar û hezkirên zimanê Kurdî li
hola Partiya Gel li bajarê Qamişlo lidarxist û tê de gotina Yekîtiya Nivîskarên
Kurdistana Sûryayê ji layê serokê yekîtiyê mamoste Ebdulhekîm Muhemed ve hate
xwendin, û gotina Encumena Niştimanî
Kurdî ji layê serokê Encûmenê mamoste Ne`met Dawûd ve hat pêşkêşkirin.
Ahenga 15ê gulana 2024an ku ji layê Y.N.K.S ve hate lidarxistin bi
beşdariya hijmarek helbestvan û hunermendan geş û xweştir bû.
Helbestvanên hin ji helbestên girêdayî babetê pêşkêşkirin ev bûn:
Helbestvan Muhemed Ferman, Muhemed Ebdê û Mihemed Eşref jî çend
helbest ji yên Melayê Cizîrî xwendin.
Hunermendên ku ahing ronîkirin, hunermendê navdar Hejar Temo û
hunermendê qedir giran Fewaz bavê Dilo.
Di dawiya ahingê de navê nivîskara Kurd ya ji layê yekîtiyê ve
hatibû destnîşankirin Diya Ciwan hat ragihandin û ji ber hebûna wê li Herêma
Kurdistanê (Başûr) û rewşa wê ya tenderûstî ku nikarîbû li Qamişlo amade bibe,
pêwendî bi nûnertiya Y.N.K.S li Kurdistanê hat girêdan û di heman demê de rê û
resmên radestkirina xelat û bawernameya 2024an hat radestkirin ji bo nivîskar û
helbestvana Kurd ya navdar Diya Ciwan.
Helbestvan û nivîskara Kurd Diya Ciwan ku di vê demê de li
Kurdistana Başûr dimîne xwedî ked û xebatek pir balkêş e di ber ziman û wêjeya
kurdî de û ji bo vê ked û xebatê ew gelek caran ji layê sazî û rêxistinên
girêdayî babetê ve hatiye xelatkirin û hejmarek balkêş ji xelatan wergirtiye.
Hêja ye gotinê ku di salên bihûrî de xelatên Yekîtiya Nivîskarên
Kurdistana Sûriya radestî evan nivîskaran bûne:
1-Ehmedê Şêx Salih
2-Ferhadê Içmo
3-Merwan Berekat
4-Bêwar Ibrahîm
5-Dildarê Aştî
6- Mehmûdê Sebrî
7-Luqman Yûsif
8- Tengezar Marînî
Yekîtiya Nivîskarên Kurdistana Sûrya
Qamişlo, 15. 5. 2024
ليست هناك تعليقات: