ji filoklorê kurdî: Strana Şahîno
Şahîn, ev navê kurdî yê şirîn û resen, li seranserî xaka
Kurdistanê belav e, navekî kurdî yê mêra ye û taybete bi gelê kurd, watedar e
bi xweşî, geşbînî, dilxweşî û şadî. di nav herêma Botan de pir belave, di
zemanê kevin û nû de, lewra stranên xweş û berketî li ser hilgirên vî navî hatine
ristin û hûnandin, ji bal hozan û keçên evîndar ve, ev stran li ser xortekî bi navê
şahîn hatiye hûnandin û gotin ku ta vê rojê bêhtirîn dengbêj û stranbêjên
herêma Botanê, di koçik û dîwanan de, li çol û zeviyan li ber kar û baran û di
demên taybet yên civaka kurdî de tête gotin.
Çîroka strana şahîno wesa ye:
Li bajarê Amêdiyê buyerek evînî di navbera xortekî û keçekê
de çê dibe û dibe bûyerek, herdû nişteciyê bajarê Amêdiyê bûn û li wir dijîyan,
xudana stranê keçeke evîndar e, hezkiriya xortê law e, xoşewîsta şahîno ye. Diyare
ku ku dildarî û evîndariya wan zor e û bi şewat e, hin astengî û pirsgirêk û nakokî
di navbera wan de rû didin, tevlî ku ew gihabûn hev, ew alûzî di stranê de xuya
dibin.
Strana şahîno behtir tête gotin di nav hunermend û stranbêjên
herêma botan de, straneke xweş e, nazike, nerm û hêsan e, lewra gelek dengbêj
vê stranê dibêjin, weke îsa Berwarî, şikrî Rêkanî, Xelîl Bakozî, Salihê Şernexî
,Ehmed Zêbarî, Azad Feqe û h.d. her stranbêjek bi rengekî dibêje, hin sê
malikan di strênin, hin çar malikan dibêjin, û hin pênc malikan di strênin, hin
kêm dikin, hin zêde dikin, lê naverok her yeke, her yek wate ye, evînî û
xoşewîstiya di navbera xort û keçan de, lê di vê stranê de keç e, ya ku
hûnandiye, zeman û demê stranê, ne gelekî kevn e, wê ne zêdetir ji sed û pêncî
salî be, çinku di stranê de, gotina wer-wer derbas dibe, ew jî tomîgan e, kû
berikan serhev tavêje, û cihê ku stran lê durist bûye, û herdû evîndar lê
dijîn, bajarê Amêdiyê ye, emê stranê raxin li ser rûpelê bi dengê stranbêjê
navdar, îsa Berwarî:
Şahîno oooooo
Ezê bi
deriyê Amêdîka rengîn de têmo dibêjin wa bi text e
Belê
tu yê rabe şahîno girê bide qarîşan, sêbarî van rexta
Min
bibe welatê Oremarê, cihê xweşmêran, wey sêbarî van mişexta
Mala
min, mala babê min, şahîno.
Şahîno
ooooo malik ava woooo
Ezê bi
deryê Amêdîka rengîn de têmo heware dibêjin wa bi sinc e
Tu
berê xwe bide kanya dewletê sîpana hemû sosin û birinc e
Derdê
işqê evîniyê şahînê malxirab girtiye, ji xelkê alemê û dinya yê we ye ku derdê
malxirab her qolinc e
Şahîno
ooooo malik ava woooo
Ezê bi
deryê Amêdîkê de têmo haware wa bi der e
Tu yê
rabe şahîno girê bide rext û sêbarî van wer wera
Min
nebe nava bajaran, welatê xerîban û xurbetan
Min
bibe welatê jorî, ew cihê xoşmêran, sêbarî van sêmera
Were
mala min, mala min, mala babê min şahîno
Şahînooooo
malik ava wooo
Şahîno
malik xirabo, ezê bi deryê Amêdîkê de têmo dibêjin wa ber li ser berî
Çawa
şahînê malxirab li min xayin bû
Evî malxirabî
jinek li ser min îna
Ezê
dil nahêlim tu nifiran lê bikim
Belê
ezê rabim, ji dil û aqil tobe bikim
Ezê
biçim bibim tobedarê mezarê Ûnis pêxemberî
Wextê
jin îna bi xewdakin, ji dil min ve herne serî
Mala min, mala nin, hey mala babe min şahîno.
ليست هناك تعليقات: